|
عربی أتا زوون نوم هسه که آسیا قرب دله و آفریخا شه‌مال دله وه ره گپ زنه‌نه.اینتا زوون گنش کرون ۶۵ میلیون نفر توم ویشتر هسه.عربی زوون أتا سامی زوون هسه که خله زوونون ره دﻩنیا دله تأثیر به‌شته.اینتا زوون خله واژه‌ئون مازرونی و فارسی و دیگه ایرانیج زوونون دله درنه.مازرونی زوون أتی ادبیات عربی کیتابونی هسه‌نه که اینتا زوون جا دگاردندی بینه.قورآن که ایسلام موقددس کیتاب هسه اینتا زوون جا بنویشت بیه.عربی زوون ادبیات و وﻩنه چه‌کوت خله شه‌کوفا هسه.اینتا زوون ده تا کشور ویشتر زوون هسه. گویش‌کرون کسایی که عربی ره شه ماری زوون سون به کار وَرنه ۱۷۴ تا ۴۴۲ میلیون نفره. عربی ۲۵تا کشور رسمی زوون هسته که کل وشون جمعیت هم بر اساس آمار سیا ۳۲۹ میلیون نفره.[۱] تاریخچه عربی نوم که ونه رسم‌الخط جه بنویشتوئه عربی زوون پیش ایسلام جا به‌موئن عربی زوون کوهنه‌ترین ادبیات اونائی هسه‌نه که نجد دیار دله قنائی شر بوتن جا سر بیته‌نه و اون زمون گت ترین شرگوئون امرءالقیس بیه که بأد وه نجد مدرسه شاگردون پیدا بینه.کوهنه شرگوئون جا تومی اینا ره نوم بوریم:عدی بن رند و امیه بن ابی سلت.ولی عربی شر جم بین میلادی هشتوم سده دله سر بیته.جاحز شه کیتاب دله که وﻩنه نوم البیان بیه أتی بوتن فن درباره عربی شر دله بوته. قورآن و عربی زوون ادبیات قورآن همون قوریش زوون جا نازل بونه که أرب جزیره مونا دله گتی داشته و نه نسر ره مونه‌سه نه قبلی شرگوئون شر ره مونه‌سه.حتا داستان بوتن دله نو روشون ره ارائه هدا و موسجئ نسر فن ره بترین گت‌ترین مرحله دله نشون هدا. همینا سر بونه بوتن که قورآن قورآن أرب ادبیات پیش بوردن رو خله تأثیر داشته.ئو ته‌موم سه‌خن گوئون و بنویشت کرون و شرگوئون ره سجئ و قافیه قایده جا که جاهلیت دوره دله کار شی‌یه راحت هکرده.ولی بأد ایسلام هم بئوتونی دینه که همون پیش ایسلام وزن و قافیه جا شر گه‌ته‌نه که چن تا وﻩشون نوم هسه:ایمام علی، خوارج رهبرون. اومویون شون دوره نسر سولیمان بن أبدالملک و ئه‌مر بن أبدلأزیز درس بیه.قسیده و قزل بوتن حجاز دله حجازی گه‌ننش جا سر بیته.همین زمون دله بیه که سیاسی و حه‌ماسی شرون هم سر بیته.رجز که قبلن جنگ میدون دله بخونس بیه شر شکل جا در به‌مو که اینتا فن نوبیار أجاج بیه.بأد هم قسیدﻩئی شر عراق و الجزیره دله پیش بورده که شر پرچمدار اون منطقه‌ئون دله جریرفرزدق و زوالرمه بینه. |
About us|Jobs|Help|Disclaimer|Advertising services|Contact us|Sign in|Website map|Search|
GMT+8, 2015-9-11 20:13 , Processed in 0.159576 second(s), 16 queries .
